M’layao chadamberangna kam tikatgijani dongkuaigen: CMIE

SHILLONG: Meghalayao sorkarini kamna okamanio chu·onga gita biaprang dongja aro dal·dalgipa private sector-rangba bang·a tangka-paisarangko bote kamna okamgiparang dongjaengani gimin, a·dokni chadamberangna mikkangchi ru·uta bilsirangonan kam tiksokatgijanirang dongkuaigen ine Centre for Monitoring Indian Economy (CMIE ) u·iataha.
(CMIE ), Centre for Monitoring Indian Economy, jean a·songo dal·batgipa business & economic database aro research company-ba ong·engachim, uamangni sandieroke man·aoniko u·iatani gitade, Meghalayao kam man·gijagiparangni rate (bang·a) ia bilsi August jaona dipet-de 0.6 percent-on dongkuenga, jean 0.0 percet-o dongenggipa Sikkim a·dokna bateba Meghalaya a·doko kam man·gijani rate-rang bang·batkuenga ine parakaha.
Meghalaya a·doko je chadamberangan kam man·pakujaengachim uamangna kamko on·a man·enggipade tourism sector mangmangsan ong·enga. Maina, sorkarini kamara bang·jani a·selo adita sak chadamberangnasan tikatna man·aiachim.
Unigimin, chadamberangna kamko on·ani chol, chong·motan private sector-rangko a·bachengatjagenchimode, a·doko mikkangchiba chadamberangna kam tikatgijani dongkuaigen ineba CMIE agandapaha.

Get real time updates directly on your device, subscribe now.

Comments are closed.