Sianggipa MLA SK Sunn-na House-o kalimaniko daka

SHILLONG: Re·anggipa Sukrobaro a·gilsakko wate re·anggipa Mawphlang MLA SK Sunn-ko gisik ra·e, Meghalaya Legislative Assembly-ni memborrang mijalo una mandera·aniko aro kalimaniko dakangaha.
Indake mijalo Autumn Session-ni gnigipa salni tom·anio, sason ka·enggipa aro opposition-ni memborrang Sunn-ni kamrangko gisik ra·atanirangkoba dakangaha.
Sunn, re·anggipa Sukrobar attam 5 bajimango uni dongchakram Mawngap-o a·gilsakko watangaha. Ua bilsi 62 ong·ahachim.
Ian House-ni itihaso skanggipa changna Session ong·engmiting somoio sitting ba MLA ong·enggipa siani ong·enga ine Chief Minister Conrad K Sangma aganaha.
Unomitingo, tangmitingo sianggipa Sunn sagini a·dokna ka·anggimin kamrangko Opposition Dilgipa Dr Mukul Sangma de·e minge parakaha.
Deputy Chief Minister Prestone Tynsong, Home Minister Lahkmen Rymbui mangko man·chape, Charles Pyngrope, PT Sawkmie, Renikton L Tongkhar, HM Shangpliang, Hamletson Dohling aro gipin House-ni memborrangba sianggipa MLA-ni kamrangko gisik ra·enba aganangtokaha.
Batanggimin bilsi gittamni gisepo 10-gipa Meghalaya Legislative Assembly-ni sianggipa sitting MLA-rangni gisepo Sunn, bongagipa ong·enga. Batanggimin bilsi gittamni gisepo sakbonga sitting MLA-rang– Selsella MLA Clement Marak, Rajabala MLA Dr Azad Zaman, Mawryngkneng MLA David Nongrum aro Shella MLA Dr Donkupar Roy mang SK Sunn-na skang siangaha.

Get real time updates directly on your device, subscribe now.

Comments are closed.