SHILLONG: Chief Minister, Conrad K. Sangma, batanggimin bilsigni somoio Covid-19-na a·dok sorkari, kror 600 tangkako koros ka·aha ine koborna u·iataha.
“Bilsi 2020-2021-o Covid-19-na kror 389.7 tangkako koros ka·aha. Ia bilsio kror 260.62 tangkako jakkalaha. Batanggimin bilsi gnignina sorkarini Covid-na koros ka·ani kror 649 gapengjok,” ine CM, Mongolbar salo Autumn session-ni gittamgipa salo Opposition MLA-rangni sing·anina aganchakaha.
Unbaksana a·dok sor-kari, kror 221 groko gamna nangani dongkuenga, ineba CM agandapaha.
A·dok sorkari, a·songni gipin bakrangoni sokba-giparangna Provision Kit-ko on·aha aro Covid-19 sagipa nokdangrangna Chief Minister’s Special Grant (CMSG)-oniko on·aha.
East Khasi Hills District-o provision-ko urban aro rural jolna gong 1402 aro 1452 rate-o on·aha apsan daken East Garo Hills district-naba per package-o gong 1500 rate-ko approve ka·aha.
“Bilsi 200-21-o Provision kit-na kror 3.13 tangkako gamaha. Unbak-sana sorkari, gipin a·dok-rangoni sokbagiparangko nirok-simsakna gita Avenues aro Tele calliing service baksa bakrime kam ka·enga. Jena 1.91 lak tang-kako CMSG-oniko jakkala-ha, ineba CM u·iataha.
Iarangna agreba CMSG-oniko medical aro health care worker-rangna hotel-o dongchakna kror 10.46 tangkako gamaha, maina bang·bata medical worker-rangan an·tangtangko isolate ka·na biap dongjani a·sel hotel-ko uamangko dongataha.
A·gilsak gimikni mande-rangan covid sabisini a·sel bilongen neng·nikako man·tokaha aro bang·a manderangni janggi gimaa-ha. Je nokdangoni covid sae siahachim, ua nok-dango dongrikgiparangna dakchakna gita Meghalaya sorkari gong hajal 50, tangkako on·na paraka-taha. April 1 tarik 2021-onin CMRG-oniko tangkako on·a a·bachengataha.
April 1 tarikoni September 13 tarikona sak 1258 covid sae siangaha. Jeoni sak 514 sigipa nokdang-prakna gong 50,000 tang-kako on·anio kror 2.57 tang-kako jakkalaha. Tangkako man·kugijagiparangna on·na nangkuenga.
Uandake Community Covid Management Teams (CCMT)-na kror 1.92 tangkako sanction ka·aha. Meghalaya Building and Other Construction Workers Welfare Board (MB&OCWWB)-o sak 25,771 labourer-rang register ka·aha. Uamangni bank account-ona gong 5000 prak ka·e tranfer ka·ataha. Jena sorkari kror 12.88 tangkako wataha, ineba CM aganaha.
