Shillong: Nongpoh-oni Opposition Congress MLA, Mayralborn Syiem, Shillong-Guwahati (National Highway-40) rama dingtangmancha Ri-Bhoi district, Nongpoh jilao chiblokrara ong·aniko mija Butbar salo Assembly-o janapaha.
Da·o ong·enggipa autumn session-o Nongpoh jila, Umling, Byrnihat aro Jorabat-o mikka-wachi karimitingo ramarangni chiblokrara ong·anirang ramram neng·nikani ong·-pilaha ine Syiem aganaha.
Umling entry point-ni jakra mikkango rama chi-blok donganichi songre-giparangna dal·bea neng·-nikani ong·enga. 2018-onin ia obostako Deputy Chief Minister, Prestone Tyn-song in-charge PWD (Roads)-na aganahachim, Nongpoh Congress MLA aganaha.
National Highway-40-o chiblok bang·ani bidingo Road Transport aro Highways-ni Union Minister-na lekka sedoatna ku·chakani-na ua Deputy Chief Minister-ko mitelaha.
Nongpoh jilao, Umling aro Byrnihat Umsning aro national highway-ni gipin bang·a biaprango chikare, pindapani gnanggipa nala aro kalbat-rangko tarina gong kror 6-na baten tangka-paisako 2019-o Ministry chamataha, ua aganaha. Ua kamrangko a·bachengatahachim indiba covid-19-ni a·sel dontong-atenga, ua aganaha.
