SHILLONG: Mijal Bristibar salni bako Meghalaya a·doko sak 229 manderang COVID-19 sabisiko man·dapaha, jeon sak 86 manderangsan mijalo COVID sabisioni nampilgipa dongaiaha, unomitingo sakgittam manderang mijal salni bako COVID sabisini a·sel uamangni janggirangko gimaataha.
South West Garo Hills district-na agrede batanggimin konta 24-ni gisepo a·dokni pilak district-rangon man·dapgiparang dongkuaha. Indake mijal salni bako COVID man·dapgipa sak 229 manderangoni, East Garo Hills-o sak 1, East Jaintia Hills-o sak 6, East Khasi Hills-o sak 132, North Garo Hills-o sak 3, Ri-Bhoio sak 10, South Garo Hills-o sak 1, South West Khasi Hills-o sak 13, West Garo Hills-o sak 3, West Jaintia Hills-o sak 53, West Khasi Hills-o sak 7.
Mijal Bristibar salni bako COVID sabisioni nampilgipa sak 86 manderangoni, East Jaintia Hills-o sak 1, East Khasi Hills-o sak 48, Ri-Bhoio sak 20, South West Khasi Hills-o sak 1, West Garo Hills-o sak 5, West Jaintia Hills-o sak 2, West Khasi Hills-o sak 9. Mijal salni bako East Garo Hills, North Garo Hills, South Garo Hills aro South West Garo Hills district-rangode nampilgipa dongjaha.
Indake mijal salni bako East Khasi Hills district-o sakgittam manderang COVID sabisini a·sel uamangni janggirangko gimaataha aro uamang sakgnide COVID tikkarangko su·kujachim.
Meghalaya a·doko COVID-19 sabisiko man·giparang mijalona gimikchide sak 78,958 gapangaha. Uamangoni sak 75,784 manderang sabisioni nampilaha, sak 1,370 manderang uamangni janggirangko sabisio gimaataha. COVID sae donggiparang Meghalayao da·o sak 1,804 ong·taiaha.
A·doko COVID sae donggipa sak 1,804-oni East Garo Hills-o sak 14, East Jaintia Hills-o sak 29, East Khasi Hills-o sak 828, North Garo Hills-o sak 12, Ri-Bhoio sak 164, South Garo Hills-o sak 2, South West Garo Hills-o sak 11, South West Khasi Hills-o sak 91, West Garo Hills-o sak 55, West Jaintia Hills-o sak 287, West Khasi Hills-o sak 311 dongengkua.
