SHILLONG: Meghalaya-ni Arts & Culture minister, Sanbor Shullai, Dhakao Indian High Commission-ni Cultural Centre-ni a·tilao U Tirot Sing-ko gisik ra·na gita uni kimako songchina union External Affairs minister, Dr. S. Jaishankar-na sedoataha ine koboro janapaha.
Shullai-ni parakani gitade, Meghalaya & Bangladesh a·song damgnini gisepo dingtang dingtang jatni dakbewal-rikbewalrangko skie ra·grikna man·a gita Meghalaya aro Bangladesh-o academician/researcher-rang da·ororo daksninge ba skie on·grikna nangchongmotenga.
Ua iani bidingo aganangkuengon, Meghalaya aro Bangladesh a·song damgnini gisepo songre-songbatani cholko altubatatna aro a·song damgnini gisepo bading-chiwalgrikanio, meli-nangrimgrikanio mikkangchi namdapatna aro bilakbatatna man·a gita sima-ari jolni cholgugarangko namdapatna nangao ga·akenga ineba ua agandapaha.