TURA: Re·baenggipa September-ni 27 tariko Tura-ni Power Organisation-ni gita Voluntary Blood Donation Camp-ko Tura-ni Deputy Commissioner (DC) Office-o ong·atenga ine u·iataha.
Power Organisation-ni dilgipa Debraj Roy-ni u·iatani gitade, ia sal somoirango rang·gitik a·sel ong·anirang batroroengon, bang·a changon hospital-rango an·chirangko man·jaengani gimin nanggitikan somoirango an·chirangko ra·e jakkalna man·na gita ia blood donation camp ba an·chi on·gilani program-ko ong·atenga.
“An·chingni songsalna an·chirangko on·gilna nangchongmotenga. Bang·a manderangan an·tangtangni janggirangko jokatna gita an·chirangko nangengani gimin manderangni janggirangko jokataniara an·chingni daitoan ong·a. Uni gimin ia program-ko ong·ataniona re·bae, nangenggipa manderangna an·tangtangni gamchatbegipa an·chirangko on·chakechina chinga pilakkon mol·molatenga,” ine Power Organisation parakataha.
