TURA: Tura College of Community Science-ni Faculty Development Program-ni bak gita re·anggipa September 21 tarikoni September 25 tarikona sea jotani bidingo online workshop-ko ong·atangaha aro ia workshop-ko NAHEP-IDP ong·atangaha.
Ia online workshop-ko ong·atanio Tura Community Science College-o kam ka·enggipa sak 14, Aizawl-o donggipa College of Veterinary Science & Animal Husbandry-oni sak 8 aro Gangtok-o donggipa College of Agricultural Engineering & Post-Harvest Technology-oni sak 5 dongpae gimik sak 27 manderang bakko ra·angaha.
Ia online workshop-ko ong·atanio agan-talate on·anggipa manderangara, Tura Don Bosco College-ni ning·o donggipa English department-ni HoD aro Associate Professor Dr Barbara S Sangma, NEHU Tura Campus-ni ning·o donggipa English department-ni Assistant Professor Dr Ramona M Sangma, Shillong-o donggipa NEIGRIHMS Nursing Centre-ni Lecturer Twinkle K Marak, Tura College of Community Science-ni ning·o donggipa Basic Science & Humanities Department-ni Assistant Professor aro HoD Ferdinand B Lyngdoh aro apsan college-ni ning·o donggipa NAHEP-IDP-ni Language Instructor Lalrinmuani Kingbawl ong·a.