TURA: GSU Western Zone (West) H.Q Raksamgre a·jolni bang·a mamlrangni bidingo chanchigrikna uamangni general annual meeting-ko West Garo Hills Phulbari, Rongsaigre-o ong·atangaha aro chanchigrikani chu·soken matchotangaha.
Meeting-ko chairmanship Francewell Marak (President GSU Western Zone (west)-ni ka·dilangaha aro uno Tengroang R Marak General Secretary G.S.U Western Zone (west) dongpaaha aro Western Zone West-ni ning·o gital songgipa Rondupara Unit-ko ra·chakaha. Approval letter-ko uamangna Tengroang Marak General Secretary G.S.U Western Zone West-ni on·aha. Da·o a·jolni Unit GSU Rongkhon Unit Rondupara, Phulbari, Bamundanga, Pedaldoba aro Raksamgre Regional Unit ong·a.
Bon·kamao meeting-ko Odith A Sangma President GSU Rqksamgre Regional Unit-ni matchotataha.
