TURA: Adita salrangna skang, Garo Students Union (GSU) Silkigre unit-ni dilgiparang, Meghalaya a·dokni Chief Minister Conrad K Sangma-ko grongenba, Baromile-oni Chokpot-ona dakanggipa ramako ru·utbea bilsirangna galchipe donengani a·sel ia ramako re·ruraenggipa manderang neng·nikanirangko chagrongna nangtokengani gimin ia ramako ta·raken tarie on·china gita didiangaha.
GSU Silkigre unit-ni general secretary Chingkam Ch Sangma-ni u·iatani gitade, Baromile-oni Chokpot-ona dakanggipa ramako bilsi 40 batpile galchipe donengani a·sel dingtang dingtang nanga kamrangna re·ruraenggipa manderang aro skul-college-rangchi re·ruraenggipa chatro chatrirangba neng·nikanirangko chagrongna nangtokengani gimin ia ramako ta·raken tarie on·china gita uamang, a·dokni Chief Minister-ko didiangaha.
Indake ong·engon, ia ramani obosta namsrangjaengahani a·sel jolni manderang neng·nikanirangko chagrongna nangtokenga ine ua an·tangba ma·sichakenga aro ia ramana sorkari, gong kror 44 tangkarangko chame on·atgen ine Chief Minister, GSU Silkigre unit-ni dilgiparangna ku·rachakaniko on·ataha ine u·iataha.
“Ia ramako tarina gita bakan tangka paisarangko chame on·atgnok ine Chief Minister chingna ku·rachakaniko on·ataha aro uni ku·rachakaniko man·e chinga namen kusi ong·aha,” ine GSU Silkigre unit-ni general secretary parakataha.
Bilsi 40 batpile galchipe donenggipa Chokpot ramako tarichina GSU dabia
Date:
Share post:
