Shillong: Meghalaya Pradesh Congress Committee (MPCC) president ong·e sakanti baksa kam ka·na man·a AICC dilgipako seokna nanga ine Khasi-Jaintia Hills a·jolni dolsa Congress MLA-rang aro MDC-rang aganaha.
AICC-ni Pala-ko MPCC-na seokna chanchiani amikbrangsa ine Congress-ni MDC gitcham Lamphrang Blah-ni aganani salsa ja·mano toksa MLA-rang aganaha. “A·doko batanggimin Assembly election-rango an·tangni party-tangni candidate-rangni kosako gipin candidate-rangko uni done namgija kamko nike chingoni bang·arangan Pala-o ka·dongna man·ja,’’ ine dolsa MLA aro MDC-rang The Shillong Times songbadna aganaha.
Uamangni aganani gita, ua (Pala) 2013 election-rango MPCC-ni Pradesh Election Committee-ni ra·chakani ja·mano AICC-ni chol on·gipako party tikkitrangko jeataha. Charles Pyngrop-ni depante sagi David A Nongrim, Cabinet Minister, Paidang Lyngdoh Mawkyrnew-oni aro Ledton Wanswett sagina 2013-o Pala party tikkit on·a jechakaha ine uni kamko janape uamang aganaha.
AICC dilgipako seokna nanga: Khasi-Jaintia Hills-ni Cong MLA-MDC-rang
Date:
Share post:
