SHILLONG: Congress a·tipo ma·mal ong·grikanirangko nike a·dokni BJP Rajabala seat-o chena aro uamangni election agendako nambatatna niamenga.
“Congress a·doko aro gipin a·dokrango mai obosta ong·engachim uko nie sigimin nok ong·engaha indake chinga re·anggipa chango chingni candidate 3000-na baten vote-rangko man·aha una baten man·gen jean Rajabala-ni ning·o ga·aka,’’ State BJP chief, Ernest Mawrie aganaha.
Uamangni aganda namroroengako u·iatjole, ‘‘Jedake Saubhaya, Jal Jeevan Mission, Old Age pension, NREGS, PMGSY unagreba bang·a scheme-rangko an·chingni a·dokna on·aha aro Rajala chi banarangchi namen neng·nikako man·batsranggipa ong·a aro ua obostani gimin chinga chanchienga’’. Mawrie aganaha.
“Manderang maiba miksonganiko, chi banao dakchakani, namgipa re·a-doani aro water supply indongarangko nangnikode indide uamang BJP-ni chu·sokatanikosan nikaigen,’’ ua aganaha.
Campaign-ni kamrangni bidingo sandiaha, ‘‘October 15 ja·manoni campaign ka·chakatgen aro chinga campaign ka·giparangni bimungrangko on·manaha jekon Sombar-o chinga man·gen,’’ Mawrie aganaha.
Sawarang campaign ka·gen sing·anina, Assam-ni Chief Minister Himanta Biswa Sarma aro Union Law Minister Kiren Rijiju aro gipinrang donga ine Mawrie aganaha.
Rajabala seat Congress-ni bilakgipa a·dam ong·naba donga maibakai congress a·tipo ma·mal ong·grikanichi aro bye-election-rang cheani do·gako doktiknaba donga. Congress, bang·pagijagipa jatoni skanggipa me·chik aro Congress legislator gitcham Azad Zaman-ni jikgipa Hashina Yasmin Mondal-ko susaatenga.
Congress MDC Ashahel D Shira, jean lagislator gitcham ong·a aro Rajabala-ni Batabari MDC seat-o Congress party-o chea jabrisan ong·engpiti jensalo ong·nasienggipa poll-rangna party tikitna biming gapatna re·baaha una party tikit on·jani gimin gitcham party-ko wate kataha.
Ua a·jolni United Democratic Party (UDP)-o jean bil-sason ka·enggipa MDA-o NPP-ni bakrimgipa ong·a ua party-o bakrimeaha aro October 30-o ong·nasienggipa bye-election-o UDP tikito bye-poll-o susaenga, BJP minggipin Meghalaya-o ge·gittam Assembly seat-rangoni ge·saosan susagen.
BJP, Party, 47-gipa Rajabala constituency-o Kingstone B Marak-ko susaatna chanchiaha. Marak West Garo Hills district-o BJP-ni district vice-president ong·enga. NPP, Abdus Saleh-ko susaatenga.
