SHILLONG: Meghalaya a·doko mijal salni bako sak 64 manderang COVID-19 sabisiko man·dapaha, jeon sak 162 manderang sabisioni nampilskaaha. Unomitingo sakgni manderang COVID sabisini a·sel mijalo siangaha, jeon sianggipa gimikan tikka su·tok-kujachim.
Mijal salni bako sak 64 COVID sabisiko man·dapgiparangoni East Jaintia Hills-o sak 1, East Khasi Hills-o sak 41, Ri-Bhoio sak 2, South Garo Hills-o sak 1, South West Khasi Hills-o sak 1, West Jaintia Hills-o sak 2, West Khasi Hills-o sak 16, unagre a·dokni gipin district-rangode mijal salni bako COVID man·dapgiparang dongangjaha.
Batanggimin konta 24-ni gisepo East Garo Hills-o sak 1, East Jaintia Hills-o sak 3, East Khasi Hills-o sak 112, Ri-Bhoio sak 6, South Garo Hills-o sak 1, South West Khasi Hills-o sak 2, West Garo Hills-o sak 2, West Jaintia Hills-o sak 6, West Khasi Hills-o sak 29, gimik sak 126 manderang COVID-oni nampiltokaha, North Garo Hills aro South West Garo Hills district-rango nampilgipa dongjaha.
Unomitingo mijalni bako East Garo Hills district-o saksa aro Ri-Bhoio saksa gimik sakgni manderang mijalo COVID-ni a·sel uamangni janggirangko gimaataha, jemangan COVID tikkarangko su·tokkujachim.
Meghalaya A·doko COVID sabisiko man·giparang mijalona sak 82487 gapahachim, uamangoni sak 80,012 manderang sabisioni an·sengpilaha, sak 1,423 manderang sabisio uamangni janggirangko gimaataha, indake COVID sagiparang a·doko da·oba sak 1,052 dongengkua.
Directorate of Health Services-ni datao Meghalaya a·doko da·omitingo sak 1,052 COVID man·giparang dongkuenga, uamangoni East Garo Hills-o sak 11, East Jaintia Hills-o sak 3, East Khasi Hills-o sak 550, North Garo Hills-o sak 2, Ri-Bhoio sak 43, South Garo Hills-o sak 2, South West Garo Hills-o sak 2, South West Khasi Hills-o sak 18, West Garo Hills-o sak 17, West Jaintia Hills-o sak 111, West Khasi Hills-o sak 290 dongkuenga.