RESUBELPARA: North Garo Hills a·jani Mendipathar-o East Garo Hills a·jani Williamnagar-o donggipa Balsrigittim-oni Jessica Norombi R Marak minggipa mandeni bimingo bonded warehouse-ko kulina bi·engani gimin manderangni nangnikaniko ma·sie ra·na gita re·baenggipa October 22 tarik pring 11:00 bajio public hearing-ko Mendipathar bazar-o ong·atenga ine North Garo Hills a·jani Deputy Superintendent of Excise u·iataha.
Iani bidingo North Garo Hills a·jao donggipa dingtang dingtang NGO-rangko aro songdongenggipa manderangko janapatgimin biap aro somoio sokbachina gitaba Excise-ni Deputy Superintendent u·iataha.