SHILLONG: Central Armed Police Force-ni dolbri company-ko aro a·dok police dolrangko by election ong·atnasienggipa damgittam constituency-rangona watgen.
Mawphlang, Mawryngkneng aro Rajabala constituency-rango October jani 30 tariko bye election-ko ong·atgen.
Chief Electoral Officer, FR Kharkongor-ni koborna u·iatani gitade, Election Commission of India, Home Guard dolrangkoba niam-ritiko nirokna gita watna ra·chakaniko on·aha.
1/2 section-ko normal polling station-ona watgen, uandake chu·gimik section-ko kenchakani gnanggipa polling station-rangona watskagen.
Una agreba videographer aro micro observer-ko mitam polling station-rangona watgen.
Indake ong·engon Rajabala constituency-o dam 29 kenchakani gnanggipa polling station-rang donga, Mawphlang-o dam 10 aro Mawryngkneng-o dam 8 chelchakaniko nangbatgipa polling station-rang donga.
