TURA: A·songko rikpiltaina krengani aro COVID-19 sabisi-sakinchi namangani ja·mano noksan ong·anirangko kolgap-bilakatatna gita, State Bank of India, mija Sukbar-o Tura Bakopgre, SMELC building-o district-ni bang·a bank-rang baksa nangrime mega credit outreach programme-ko ong·atangaha.
West Garo Hills-ni Deputy Commissioner Ram Singh, chief guest ong·e scheme ba loan-rangko man·giparangko mitelaha aro tangka-paisako namedake jakkalchina aro uamangni man·anirangko a·dokni sima-arirangna agre bajaro nambata pala-simanirangko a·palbatata-niko dakchina uamangko didiaha.
Programme-o gimik gimang sak 112 bading-chiwalgiparang dongpaa, PMEGP, Mudra, PMSva-niddhi, agricultural loan-rang unagreba gipinrangko man·chape lekkarangko uamangna pakwatangaha.
