SHILLONG: A·songo bang·bata a·dokrangan petrol aro diesel-ni damko litre-prako gong 7-ka·e komiataha, Meghalaya Cabinet a·doko petrol-diesel liptre-prako gong 5-ka·e komiatna chanchiaha indiba gong 5-san komiatgenchimoba Meghalaya da·o a·songo toni dam komibatsranggipa ong·kuenga.
Mija Sukrobar-o Cabinet meeting ja·mano kobor ra·timgiparangna aganao, Ma·mong sorkarini agan-ku·pattiani gita dakenga, a·dok sorkari petrol aro diesel-ni damrangko komiatna chanchiaha, Deputy Chief Minister, Prestone Tynsong aganaha.
Da·alona kingking sorkari petrol-ni kajinako 20 per cent aro diesel-o per cent 12 ka·e ra·enga indiba maibakai sorkari petrol-ko per cent 20-oniko 13.45 aro diesel-ko per cent 12-oniko per cent 5-ona kajinako komiatna chanchiaha indake petrol aro diesel-o gimik gong 5.15 komie namkalgnok.
Mija Sukrobar-o Guwahati-o petrol-ni dam litre-prako gong 94.58 ong·achim toni damko komiatna chanchiani ja·mano Byrnihat-o gong 93.28 aro Shillong-o 93.91 ong·aha.
Diesel-ni dam Guwahati-o 81.29 ong·engon Byrnihat-o diesel-ni dam 74.41 aro Shillong-o 80.57 ong·aha.
Tynsong-ni aganani gita, Shillong-o petrol to gong 11.08 aro diesel gong 16.67 komie bregiparangna dakchakani ong·gnok.
Sing·anina aganchakao ia VAT-ko komiatna chanchie re·baenggipa ja bonga jarangna kajina gong 100 komiangskagnok, Tynsong aganaha. Ri Bhoi district-o to deport-ko dona Indian Oil Corporation baksa chanchigrikenga aro ia chanchiani chu·sokode manderang da·oni gita ontisa komia damo petrol aro diesel-ko manderang man·gnok, unon petrol aro diesel-ni damrangkoba man·chapa, Deputy Chief Minister u·iataha.
A·doko petrol,diesel-ni damko 5 ka·e komiata, litre-prako 93.91 aro 80.57 ong·jok
Date:
Share post:
