SHILLONG: Ja·manchake kobor man·soani gitade, re·anggipa Sonibar salo East Khasi Hills a·jani Anti-Narcotics Task Force (ANTF)-ni sipairang, Myanmar a·songoniko badingsrukbagipa kg 1.116 heroin drugs ba samrangko man·aha.
Police-rangni kobor on·ani gitade, ia samrangko ge 101 sabon case-rango chipe donachim aro ia samrangko ANTF-ni sipairang, Madanriting-o donggipa mande saksani nokoniko man·aha.
Ia ge 101 sabon case-rangoni ge 66-kode baring rongni jolongo chipe donachim aro ge 35-kode carton box-o chipe donachim ineba police-rang u·iataha.
Iani bidingo police-rang, me·chik sakgniko rim·aha aro iandake drugs badinganio jak donggipa gipin manderangkoba rim·na gita sandiengkua ineba kobor on·aha.
