SHILLONG: Meghalaya High Court-ni Chief Justice Ranjit V More, kamtangoni neng·takangahani gimin uni biapo gital Chief Justice-ko man·skagnok.
Meghalaya High Court-ni gitcham Chief Justice Ranjit V More, re·anggipa November 3 tarikoni kamtangoni neng·takangahachim aro da·o uni biapko Madras High Court-ni Chief Justice Sanjib Banerjee, bakan jako ra·angskagnok ine kobor on·aha.
Gitcham Chief Justice-ni neng·takangani ja·man Justice Hamarsan Sing Thangkhiew-sa Chief Justice-ni kamko jako ra·chengengachim.
Indake ong·engon, adita salrangna skang, Supreme Court-o kam ka·enggiparang, tom·e chanchirimangenba, Madras High Court-ni Chief Justice Sanjib Banerjee-ko Meghalaya High Court-ona watatskana tik ka·angaha ine kobor on·timgiparang u·iataha.
Justice Banejee-ko 2006 bilsio Calcutta High Court-ni permanent judge-na songahachim aro uko 2021 bilsini January jaosan Madras High Court-ni Chief Justice songahachim.
