SHILLONG: BJP a·tipo maming meligrikgijani dongja indiba chanchianio dingtanggrikani donga aro dilgiparang re·baenggipa 2023 Assembly poll-rango chena aro sorkariko dilna gita ku·cholsan kamko ka·enga ine mijal Sonibar-o State BJP chief Ernest Mawrie aganaha. on Saturday said that there is no faction in the BJP camp but difference in opinion and the leaders are working together to ensure a win in the coming 2023 Assembly polls and lead the government.
“Chingo ma·mal ong·grikani dongja chinga ku·cholsan ong·enga indiba politician ong·e ua uni sikani donge sakantion chingni chanchianio haida dingtangrikani dongnaba donga jekon chinga champengna man·ja,’’ a·gipi BJP dilgipa AL Hek aro uni gisepo meligrikgijani koborko man·ani bidingo sing·anina Mawrie, aganchakaha.
“Chingo meligrikgijani donga ine manderang aganaba donga indiba chinga indake ong·ja maina Ba Hek national executive membor aro Bah Sanbor minister saksa ong·enga aro maikai seat-rangko bang·bate chegen aro sorkari dilna man·gen chinga ku·cholsan ong·enga,” ua agandapaha.
Health Minister gitcham aro a·gipi BJP dilgipa ia bilsi a·bachengao a·dokni BJP padot-na Mawrie-ko bodolna jotton ka·enga ine koborko man·anio a·dokni BJP-o meligrikgijanirang ong·angaha. Jensalo Hek-ko rang·gitik cabinet-oniko ra·galanio aro South Shillong Lagislator Sanbor Shullai-ko uni biapo chugipa gadangni a·songni dilgiparang baksa rimnapaha aroba Hek-na ma·siatjaha indake ontisa golmal ong·angaha.
Niksenggipa Hek, jenan Chief Minister-ni agan-ku·pattigipani kamko on·aha, Cabinet-oniko uni donggijao ra·galani gimin ding·kuenga.
BJP a·tipo aro dilgiparango meligrikgijani donga ine bangbango kobor nakataha.
Indake ong·engon, by-election-o chu·sokjani ja·mano maikai a·dokni BJP ong·ani bidingo sing·anina, Mawrie indake aganaha, “Rajabala-o chinga dolkosan mangmang songaha aro ranggitik election-rangko parakatao ching baksa jak on·pachina manderangko re·angatna chinga a·bachengani ja·mano jasaba dong·kuja. Chingni dolrangko gipatnagipa dolna somai apchakket aro candidate-ba manderangona re·angna inditana somai dongjaha aro indake chinga chu·sokna man·jaha”.
Mawryngkneneg aro Mawphlang-ni bidingo agangrikao jeon BJP candidate saksakoba susaatjaatjaha, ge·gni constituency-o BJP uamangni constitution-ni gita sak 1500 manderangko dol songna donani gita ari donaona sokdojaha aro uni gimin uamang susajaha, ua aganaha.
“Chinga a·songni party ong·a aro chinga party-ni niam-bidikko tongtong ja·rikna nanga. Chinga 2023-na tarigen aro by-election-o chu·sokjani gimin maina jajrenggen. Chingni bakrimgiparang election-rango cheaha chinga kusi ong·aijok,” ua agandapaha.
