CM Conrad, Tura Christian College-na Govt sanction order-ko pakwate on·a

TURA: Meghalaya-ni Chief Minister Conrad K Sangma, MDA sorkarini gita on·gipa People’s College Grant in Aid Scheme-ko Tura Christian College-na sanction ka·gipako parakangaha.
Meghalaya Chief Minister Conrad K Sangma, college-ni governing body aro principal-na Sonibar salo Tura Mission Compound college-ni ning·o sanction order-ko pakwate on·angaha.
Uandake tom·anio bakko ra·e jinmana aganprakmitingo, Chief Minister, a·dokni college-rangko higher level-o poraingkuna sikgipa chadamberangko nirokna tarisamsoe dongchina didiangaha. Tom·anio dingtang dingtang jolni skigiparangba bakko ra·angaha.
“Re·baenggipa bilsi 2-3 somoini gisepo college poraigipa chadamberang 15-18 percent-ni gita baridapnaba donga indiba poraigiparangna kri seat-rang chu·ongjaenga ineba chief minister agandapaha.
Ia neng·nikaniko bon·atna sorkari, People’s College Grant in Aid Scheme-ni ning·o a·dokona bang·bate college-ko ra·bana tik ka·aha. Uandake eduction sector-o adita neng·nikarang ba ra·bianiko chagrongenchimoba sorkari, a·dokni chadamberangna nambatgipa higher education-ko on·na raken jotton ka·enga ine CM aganangaha.
“Tura Christian College, a·doko donggipa ge·sku community college-rangoni ge·sa ong·paa, indake college-ni skigiparang aro kam ka·giparang People’s College Grant in aid Scheme-ni gita government sanction post-ni namgniko man·enga.