PDF-ni MLA-rang party jitna miksonga dongja: NPP

SHILLONG: Bilsi 2023 Assembly election-na skang PDF MLA-rangoni darangba party-o napna miksonga dongja ine National People’s Party a·kangaha.
NPP-oniko kobor man·soani gita, PDF MLA-rang party-ona re·bana miksonga dongja.
Media report-ni gitade, People’s Democratic Front (PDF)-ni sakgni MLA-rang- Gavin Mylliemngap aro Jason Sawkmie- uamang assembly election-na skang party jitnaba donga ine jangenga.
Indiba NPP-de PDF-ni MLA-rang party-ona re·baana miksongani dongja, indiba uamang re·bana am·ode uamangko rimchaksogen ine aganaha.
PDF baksa sakbri MLA-rang donga, jeoni sakgni MLA-rang Cabinet-o donga, uandake cabinet-o biap man·gijagipa sakgni MLA-rangba MDA sorkarini bilsi gni ata gapani somoio a·dok cabinet-o dongpana nangnikaniko janapatahachim.
Minggipin ia koborko talbate u·ina, PDF-ni darang dilgiparang baksa agangrikna cholko man·jaha.