SHILLONG: Meghalaya aro Assam a·dok damgnini simarango ru·uta bilsirangonin meligrikna man·jaengani a·sel Langpih jolrango maming namroro silroroanirang dongjaengani gimin ia jolrangona ma·mong sorkarini scheme-rangko sokatna gita Assam aro Meghalaya sorkarirang kam ka·gen ine Mongolbar salo, Assam-ni Chief Minister Himanta Biswa Sarma, ku·rachakaniko on·angaha.
Ia Langpih songara, Assam Kamrup a·jani ning·o donggipa Boko songoni kilometre 40-mang chel·ao donggipa song ong·achim aro ia songona Mongolbar salo Assam aro Meghalaya a·dokni Chief Minister-rang re·ange nieaha.
Assam aro Meghalaya a·dokni simarango meligrikna man·jaenggipa biaprangko namatna ja·ku de·ani bak gita a·dok damgnini chief minister-rang, Mongolbar salo Langpih-ona re·angaha.
“Langpih-o songdongenggipa manderangna maming jat ba torom baseani gri, ma·mong sorkarini ra·gatgipa scheme-rangko sokate on·na gita a·dok damgnioni deputy commissioner-rang, jolni dilgiparang baksa nangrime kamko ka·china chinga ge·etaniko on·manaha,” ine Langpih-o songdongenggipa manderangna Sarma parakataha.
A·dok damgnini simarango songdongenggipa manderangna ka·dongatanirangko on·na nangengani gimin janapangengon, ia jolrango songdongenggipa manderangna tikarangko su·e on·na, mobile tower-rangko songe on·na, bijolirangko sale on·na, skul college-rangko kulie on·na aro rama jal·langrangko tarie on·na nangenga ine Assam-ni Chief Minister parakataha.
Agan-chanchiriman baksana ia jolrango namroro silroroaniko ra·baanichi an·ching ia jolrango meligrikgijanirangko namatna man·gen ine anga ka·dongenga. Assam a·dokba pangkamgipa tom·tomaniko nangnikenga aro salgro salaramo apsan ku·cholsan ong·e re·mikkangna nangnikenga ine anga Meghalaya-ni manderangna ku·rachakaniko on·na ska,” ine Sarma aganaha.
Langpih-ona ma·mong sorkarini scheme-rangko sokatgen ine Assam CM ku·rachaka
Date:
Share post:
