SHILLONG: Re·baenggipa 2023 Assembly poll-na skang BJP-ona ja·napbanasienggipa sakbonga MLA-rangko, jeon uamangoni bang·batan Congress-oni ong·achim, uamangko BJP National president aro national general secretary-ko grongdilgen ine A·dok BJP-ni Padot Ernest Mawrie Bristibaro aganaha.
“November 20-ni ja·man, chingni State National Executive tom·anirang matchote, anga sakbonga mang MLA-rangko, chingni ma·mong BJP-ni dilgiparangko grongdilanggen,” Mawrie aganaha.
BJP-ona katnapna am·enggipa MLA-rang da·o dipet sakbonga donga, jeon uamangoni sakgittamde re·bana tik ong·aha ine aganengon, “uamangoni bang·batan Congress-oni ong·a, uamgn chingni central dilgiparangkoba Delhio grongaha aro mittamrang head office Guwahati-o dilgiparangko grongangkugen,” Mawrie parakaha.
Mawrie-ni aganani gitade, BJP-ona napnasienggipa MLA-rangko, ua BJP National president JP Nadda, National General Secretary organization BL Santosh aro adita gipin dilgiparangko grongdilanggen.
BJP-ona napbana am·giparang dongkuengama ine sing·anina aganchakengon, “adita gipinrang dongkuenga, jemangan da·o tarie dongenga” ineba A·dok BJP dilgipa aganaha.
Mongsonggipa dilgiparangan BJP-ona napbana tariengani gimin, Meghalayao uamangni dol bilakbatanggnok ineba Mawrie ka·dongsoani kattarangkoba aganaha.
Re·baenggipa 2023 Assembly poll-ni bidingo sing·anina aganchakengon, Ma·mongo sason ka·enggipa sorkari, salgro salaram a·dokna bimchipe kamrangko ka·enga, indake party-ni kam ka·aniko nikenba manderang chingna puongen ine ka·donge aganengon, “chinga raken kamrangko ka·enga indake manderangni dakchakachi chinga komibeoba ge 15 seat-rangkode man·telna ka·dongenga,” Mawrie agandapaha.
BJP-o napnagipa MLA-rangko ma·mong dilgiparangko grongdilgen: Mawrie
Date:
Share post:
