SHILLONG: MDA baksa bakrimgipa HSPDP-ba BJP baksa melie Chief Minister Conrad Sangma-ko MDA coordination commitee meeting tom·china sinje-taniko on·paanio bakri-maha. Indake 2023 Assembly poll-na skang dingtang dingtang mamlao sandia-nirango talataniko on·china dabiaha.
BJP, adita salrangonin MDA coordination committee meeting-ko ta·rake tom·china mol·molenga, indake HSPDP-ni chief KP Pangniang, indine aganaha, “sorkariko rikani skanggipa salonin chinga apsan meli-grikenba coordination com-mitee-ko tom·na namnike ra·chakgrikahachim, japra-ko tom·na man·jagen-chimoba jagni jagittamprak somoio tom·e sorkarini kam ka·gni ba uandakgipa ding-tang dingtang mamlarango chanchibewalna tik ka·aha-chim.” Chanchibewalna nang-gnirang bang·bea, jekon apsan tom·e agangol-pogrikna nangengjok, uni gimin Chief Minister Conrad Sangma-ko iani bidingo ta·raken chanchie tom·aniko ong·atna mol·-molatenga, jedakode chinga a·dokni mande-rangni namgnina dingtang dingtang mamlarangko agangolpogrikangna man·gen.”
Uandake adita jarangni gisepo sandigipa mamla-rangni gimin janapatengon, Pangniang indine agan-dapaha, “Daito ra·gipa sor-kari aro dilgiparang ong·e a·dokni manderangni ka·-donganiko man·a nang-chongmota. Rice scam, MeECL ba uandak-gipa mamlarango sandina order on·ahani gimin sor-kariko mittelna sika.” 2023 Assembly poll-na skang sorkari, gimik sandia-tengipa mamlarango dos gri ong·e ong·katna nang-chongmota. Man·a dipetde somoi gitan inquiry-ni ba sandiani report -ko para-katna man·ode nambegen.
“Sorkari kamtangko name daken kam ka·enga ine ka·dongata aro gimik san-diani report-rangko somoi gita manderangna u·iatgen aro ua report-ara a·dokni manderangni namgnina ong·gen ine ka·dong-soenga.”
Rice scam inquiry report-ko man·a ru·u-tengani giminba Pangniang indine aganaha, “angni u·iani gitade, kamko a·bachengataha, jeba ong·oba anga iani bidingo MDA sorkarioniko talbate u·ie ra·na jotton ka·gen.”HSPDP, coordination committee tom·na mol·mola
