TURA: 68-gipa All India Cooperative Week, 2021 mania Sonibar salo mat-chotangaha. Assistant Registrar of Cooperative Societies office, Megha-laya Cooperative Apex Bank (MCAB) Ltd. baksa bakrime ‘Prosperity through cooperatives’ ine pangchakaniko done programme-ko ong·ataha. MCAB Tura Branch-ni Conference Hall-o programme-ko ong·atao cooperative societies-ni bang·a-rang aro ge·e-game cha·-giparang bakko ra·ang-tokaha.
Uandake District Veterinary Officer Dr. Hellicko K Mark, chief guest ong·e bakko ra·angaha. Aro tom·-anio bakko ra·e agan-prakangao, game cha·gipa-rangko cooperative society-ko bikote financial-ko bilakatna didiangaha.
Iarangni gisepon Dr Marak, Animal Husbandry and Veterinary Department-ni dingtang dingtang scheme-rangni gimin agantalate on·aha.
Uandake Assistant Dairy Development Officer, Wilda Ch Marak-ba Amul company-ni dairy production-o chu·sokanirangko parakate on·aha aro mikkangchi nambate kam ka·angna didiangaha. Unbaksana game cha·gipa-rangko sorkarini on·gipa scheme-rangni namgniko ra·china agantalate on·aha.
Rongram C&RD Blokc-ni ning·o donggipa Darechikgre songni Dileng Do.mika Cooperative Society-ni president-ba uni society-ni chu·sokanirangko parakataha. Uni Society matchu jile cha·giparang salprakon litre 50 dutko man·enga ine aganaha.
Uandkae technical session-o Junior Cooperative Officer Thangchan Robbie R Marak, ‘Prosperity through Cooperation’-ni gimin aganprakangaha aro Tura MCAB-ni Branch Manager Berding N Marak, “Financial Inclusion”-ni gimin aganprakatskaha.
Aro Senior Cooperative Officer, SR Marak, vote of thanks ba bon·chote mittelpilani kattarangko on·angskaha.
