SHILLONG: Gitalgipa State Chief Information Commissioner (SCIC)-ni biming baksana Meghalaya State Commission for Women (MSCW)-ni gital-gipa body-ko ru·utgija salni gisepon a·dok sorkari parakatgen, Chief Minister, Conrad K. Sangma u·iataha.
“Chinga SCIC-ni gimin aganmanaha. Jean Megha-laya State Information Commission (MSIC)-ko dilgen anga ka·dongchongmota re·baenga adita salrangon gitalgipa SCIC-ko seokna chinga man·gen,” Sangma kobor ra·timgiparangna aganaha.
MSCW-ni gitalgipa dol-ko parakatgipao dilna-gipako man·chapa, MSCW-ni file uni office ong·enga aro ua ua mamlako niang-gen, Chief Minister u·iataha. “Adita salrangni gi-sepo, ge·gni commissioner-rango bangbang ong·eng-gipa kmarangko a·dok sorkari gapatgen,” ua aganaha.
Skango a·dokni bakrim-gipa sorkario ge·gni commission-rangni mongsong-gipa kamrangko gapatna nangako bang·bata party-rangan aganaha.
National People’s Party-chi dilenggipa sorkari dingtangmancha MSCW-o bangbang ong·enggipa kamrangko gapatanio ru·utatani gimin Opposition uandake gipin daitoko jako ra·e kamko ka·giparangchi matnangako man·aha, jeon re·anggipa bilsini October jaonin uamangni chairperson aro memborrang gri kam ka·enga.
Apsandake, ia bilsini March jao Chief Secretary gitcham PBO Warjri-ni somai bon·aonin SCIC-ni kam bangbang ong·e dongenga.
United Democratic Party working president, Paul Lyngdoh, ge·gni body-rango appoint ka·ani kamko ta·rakatchina sorkariko su·dodoaha.
Apsan kattakon People’s Democratic Front president, Banteidor Lyng-doh-ba agane ua Chief Minister, Conrad K Sang-ma-ko gronggen aro man·a dipet ta·rake appoint ka·-china uko agangen ine aganaha.
Hill State People’s Democratic Party chief, KP Pang-niang, CM baksa mamlako aganchina Cabinet-o Minister-ko agangen, aganaha.
