SHILLONG: Meghalaya High Court-ni gital Chief Justice Sanjib Banerjee, mijal Budbar salni bako ku·mikchetaniko dakangaha.
Gital Chief Justice-ni ku·mikchetaniko Meghalaya a·dokni Governor Satya Pal Malik, Shillong songjinmani Raj Bhavan-o dakdilangaha.
Meghalaya High Court-ni gital Chief Justice Sanjib Banerjee-ni ku·mikchetani somoio a·dokni Law Minister James Sangma, Meghalaya Legislative Assembly-ni Speaker Metbah Lyngdoh, Meghalaya High Court-ni Justice Hamarsan Sing Thangkhiew, Justice Wanlura Diengdoh aro gipinrangba dongpae bak ra·angaha.
Justice Banerjee-ko re·anggipa November 9 tariko Madras High Court-oniko Meghalaya High Court-ona Supreme Court-ni official-rang apjitatahachim aro uandaken ua Meghalaya High Court-ni gitcham Chief Justice Ranjit Vansantrao More-ni biapko ra·rikskaaha.
Meghalaya High Court-ni gitcham Chief Justice Ranjit Vasantrao More, re·anggipa November 3 tarikon 3 tarikoni kamoni neng·takangahachim.
