SHILLONG: Meghalaya a·doko Meghalaya Democratic Alliance (MDA) sorkariko re·dilenggipa National People’s Party (NPP)-ko Bharatiya Janata Party (BJP)-sa chalaienga ine Bristibar salo Meghalaya a·dokni gitcham chief minister aro Congress doloni ong·kate Trinamool Congress (TMC)-o napanggipa Mukul Sangma matnangatenba, a·songo iandakgipa dolrangko warachakna gitasa uamang TMC-o napaha ine parakataha.
“NPP-ko BJP dolsa songe on·aha indiba gisepgrikode ia dolgnian dolskako matnanggrikenga. Chinga a·dokni manderangko iandakgipa dolrangoniko warachakna gitasa TMC-o napaha,” ine Sangma parakataha.
Sangma-ni parakatani gitade, opposition dol ong·e a·dok aro a·songna kamko ka·anio Congress dol, kamrangko chu·sokatna man·jaengani giminba uamang Congress doloni ong·kataha.
“A·songko bak dakna jotton ka·enggipa dolrangko warachaknasa chinga TMC-o napaha. A·doko aro a·songoba opposition dol ong·e Congress chu·sokgipa ong·jaha. NPP dolba BJP baksa bakrimgipa dolan ong·a, uni gimin iandakgipa dolrangko warachakna gitade TMC-mangmangsan political dolsa ong·enga,” ine Sangma parakataha.
A·dokni gitcham chief minister Mukul Sangma aro Charles Pyngrope sakgnian, baditaba jarangna obostarangko nichengesa Congress doloni ong·kate TMC-o napskana tik ka·aha ine parakataha.
Comments are closed.