Shillong: Bangladesh Border Guards (BGB) delegates, BSF baksa border conference-o bak ra·na gital salgnina wenbaanio Sonibar salo sokbaaha.
Salgittamna ong·ateng-gipa BSF inspector general and BGB region commanders level-ni conference-ko Meghalaya Frontier head-quater Umpling-o ong·a-tenga.
“Sak 10 memborni BGB delegation, Bangladesh force-ni Additional Director General Tanveer Gani Chowdhury-ni dilanio sokbaaha. Indake BSF delegates-ko BSF Inspector General of Tripura Frontier Susanta Kumar Nath aro Meghalaya, Guwahati, Silchar aro Tripura Frontier BSF-ni sak 11 gipin commander-rang dilskaenga, ine home affairs ministry, ministry-of external affairs aro Narcotics Control Bureau-ni representative-rangba donga, ine BSF-ni koborna ku·wattimgipa aganaha.
Conference-ko bilsigni-prako dolgni border guard dolrangni gisepo ong·at-ronga, jeon sima ari gita niamgri matchu-matte, drug ba pekgipa ringanirangko badingsruka ba uandakgipa mamlarangni bidingo agangrikna tom·a. Aro sima ario obosta ong·aniko champengna maidakgipa ja·kurangko de·gen iarangni gimin chanchirimaniko daka.
Uandake conference-o border guarding force dolgnian Joint Record of Discussion-ko soi ka·gen.
