SSA skigiparangna dormaha on·nani bidingo  Sawkmie,  sorkariko matnangata

SHILLONG: Congress-ni a·gipi dilgipa aro Mawlai-ni MLA, PT Sawkmie, SSA skigiparangna bangki dorhamarangko on·nanio ja·manchakengani gimin a·dok sorkariko matnange aganataha, indake SSA skigiparangni mamlako a·dok sorkari namatanio namen ja·manchaka ine ua aganaha.
SSA-ni skigiparang jabongani dormahako on·china gita ru·uta salrangna kingking dabienga aro a·dok sorkari, ma·mong sorkarioni tangka paisarangko watatako man·soani ja·man jagnini dormaharangkode on·gen ine ku·rachakaha.
Kobor-na PT Sawkmie-ni aganani gitade dormaha gri janggi tangna altua ong·ja, uni gimin SSA ski-giparangna ka·sachakchina gita ua a·dok sorkariko aganaha aro gipin source-rangoniko ra·e jagittamni dormaharangkode skigiparangna on·dapchina gita ua aganataha.
Congress dol ma·-mongo chalaimitingode skigiparang jingjengata-niko dakrongja ine batanggimin salrangko gisik ra·e aganaha, indiba da·ode skigiparang jarikkit ramarangona re·bae jing-jengatanirangko dakenga ine ua duk man·e aganaha.
“Jagnini dormaha mangmangde chu·ongjawa aro uni gimin gipin source-rangoni ra·e uamangna jagittamni dormaharangko on·dapchina gita anga a·dokni Chief Minister-ko mol·molatenga,” ine ua aganaha.
SSA skigiparangko regularize ka·ani bidingo uni aganani gitade sorkari sak 12000 SSA skigiparangko changsano regularize ka·na gita bil dongja, uni gimin sorkari uamangko gadang gadang dake regularize ka·na  gita man·gen. SSA skigiparangko regularize ka·na gita bil dongja ine a·dokni Chief Minister aro Education Minister-ni statement on·gipani bi-dingo Sawkmie-ni aganani gita sakgni Minister-rang ja·ku de·anio negative-o chanchia aro uamang maidake agana nanga uko ma·sina gita nanga.
“Assam sorkari SSA skigiparangko regularize ka·jok aro indake gipin a·dokrang man·ode mai-dake Meghalaya ma·jaenga aro iani bidingo sorkarioni political-ni skaniko nikja,” ine ua agandapaha.
Unbaksana, uni aganani gita bilsiantin gong kror 2000-na baten sorkari education ba poraia-skianiko namdapatanio koros ka·-enga indiba indake poraia-skichakani building nok-rang mangmangko rikanio koros ka·eming skigipa-rangkode okimu chake siatanide namen on·jawa.