SHILLONG: Re·anggipa August 13 tariko, HNLC-ni gitcham dilgipa Cherishstarfield Thangkhiew-ni siani a·selrangko sandienggipa Justice (retd) T Vaiphei-ni inquiry commission-na, Meghalaya Sorkari jasana somoi on·dapaha.
Indake ong·engon, a·selrangko sandianirangko seng·gnangede matchotatna man·na gita ka·dongjaenga ine Justice (retd) T Vaiphei Sonibaro aganaha.
Justice T Vaiphei-na, November 26 tarikoni jasana somoi on·dapaha, jean Sonibaro u·iataniko man·soahachim.
“A·selrangko sandina gita jasana somoiko on·dapaha indiba sandirokaniko dakanio seng·gnange matchotgen inede anga chanchija,” ua aganaha, jeon inquiry Commission da·o dipet changbongasan asongkuenga jeon mingsani ja·man minggipin dorgastorangni man·soanichi dakgnirang bang·en dongengkua, ua gandapaha.
Inquiry commission-ni mongsonggipa dakgnikon neng·e-dikesa a·bachengna man·enga, ‘‘mongsonggipa dakgnionan sokangkuja aro chinga do·gacholona sokangna jotton ka·beenga,” ua aganaha.
Sandirokaniko matchotatna badita somoirangko nanggen uko da·o aganna man·jawa indiba man·a dipet seng·gnange matchotatna gita uni bil ama gita jottonde ka·enga ineba ua aganaha.
Ua indakeba aganaha je ua mikkang antio Shillong-ona re·baenga aro chang gipin hearing-na tik ka·na gita lawyer-rangna somoi gita u·iatna nanggen.
Indakeba nikatna man·a je Thangkhiew-ni siani a·selrangko Tripura High Court-ni retired Chief Justice, Justice T Vaiphei skotong ong·e sandidilenga, jeon uamangni hearing-ko re·anggipa September 9 tarikonin a·bachengahachim ine nikatna man·a.
Thangkhiew-ni siani a·selko sandigipa commission-na somoi on·dapa
Date:
Share post:
