TURA: Songni nokni manderangna sorkarini ra·gate on·enggipa dingtang dingtang scheme-rangni bidingo aro songni nokni Nokma sanerangna on·gimin bilrangni bidingo agan-talatanirangko on·na gita All Garo Hills Federation Multi Purpose Cooperative Society (AGHFMPCS)-ni gita dingtangmancha awareness program-ko Gambegre Block-ni ning·o donggipa Rengdenggre songo ong·atangaha.
Ia program-ko ong·atanio IBDLP/MeghaLAMP-ni District Program Manager (DPM) V Valentine Hembrom, mongsonggipa sokgipa ong·e jinmana aganprakangengon, sorkarini ra·gate on·enggipa dingtang dingtang scheme-rangni bidingo talate on·angenba, songo noko an·tangtangni janggi tangani gadangko namdapatna gita cooperative society-rango bak ra·e ia scheme-rangko ra·china gita songni nokni manderangko didiangaha.
