RESUBELPARA: North Garo Hills a·jaoba NFSA-ni ning·o dingtang dingtang cha·ani bosturangko man·enggipa manderang Aadhar-na bimingko segatna nanggnok ine North Garo Hills a·jani Deputy Commissioner (Supply) u·iataha.
Deputy Commissioner (Supply)-ni u·iatani gitade, NFSA-ni ning·o mirong aro uandakgipa bosturangko man·enggipa manderang pilakan Aadhar-na bimingko segatna nanggnok aro Aadhar-ko uamangni ration card-rango link ka·na nanggnok.
“NFSA-ni ning·o on·enggipa bosturangko ra·na gita Aadhar number-ko on·na nanggenok. Uni gimin je manderangan Aadhar nombor-rang dongkujachim ba Aadhar-na biming segatkujaengachim, NFSA-ni ning·o on·enggipa mirong aro uandakgipa bosturangko ra·na gita ta·raken Aadhar-na biming segatna nanggnok,” ine Deputy Commissioner (Supply)-ni u·iatanio parakataha.
