SHILLONG: Shillong Municipal Board (SMB)-o kam ka·enggiparangna, uamangni man·na nangkuenggipa dormaharangko da·o Krismasna skangan on·na sorkari ku·rachakahani gimin kam dontongate jingjengataniko Shillong Municipal Employees Association (SMEA) ra·galatpilaha.
Shillong Municipal Board-o kam ka·enggiparangna uamangni man·na nangkuenggipa dormaharangko on·kujaengani gimin aro kam ka·enggiparangna 5th Pay Commission-o pangchake dormaharangko on·china dabie re·anggipa December 1 tarik dipetan kamrangko ka·gija jingjengatengachim.
Indake ong·engon, Bristibar salo a·dokni Urban Affairs Minister Sniawbhalang Dhar, SMEA-ni dilgiparangko agangrikna okamatenba, Municipal-o kam ka·enggiparangna uamangni man·na nangkuenggipa dormaharangko Krismasna skangan changgni dake on·na ku·rachakatahani gimin kam ka·giparang, kam dontonge jingjengataniko ra·galatpilaha ine SMEA-ni general secretary Paulus Marwein, kobor ra·timgiparangna parakataha.
“Chingni man·na nangkuenggipa dormaharangoni skanggipa bakko ia antini gisepon on·e bangki dormaharangkoba Krismasna skangan on·na gita chingna ku·rachakahani gimin chinga chingni jingjengataniko ra·galpilaha,” ine SMEA-ni general secretary parakataha.
Shillong Municipal Board-o kam ka·enggipa manderangni dabienga gita uamangni dormahako 5th Pay Commission-o pangchake on·na Urban Affairs Minister ku·rachakaniko on·ataha ineba Marwein parakataha.