SHILLONG: Shillong songjinmao donggipa dingtang dingtang district-rangni BJP executive a·dokni Party Office-o mijalo chanchirimaniko dakangaha.
Chanchirimaniko District President, Shri Nitin Khera dakdilangaha aro District General Secretary, Shri Rocky Hek- uamang tom·bimongdilaha. District Office bearer-rang aro Executive membor-rang chanchirimanio bakko ra·angtokaha. Unbaksana, a·dokni skotong songjinmani BJP MLA Shri A.L. Hek aro Shri Sanbor Shullai- uamangba bakko ra·angaha.
Indake, chanchirima-niko sakgni MLA-rang Shillong songjinmao dolko bilakatna, dakchakna aro didianiko dakangna ku·mikchetangaha.
Unbaksana, Shillong songjinmani ning·o donggipa dam 7 Mandal-rangni booth level-rango BJP dolko bilakatna gita raken manchiangaha. Unbaksana, re·baenggipa elections-o Shillong songjinmani ning·o donggipa gimik constituency-rango BJP dol susana gita manchiangaha. Uandake re·baenggipa bilsi 2023-ni Assembly poll-o susaani giminba chan-chiangaha.
BJP, mikkangchi tang·dogen ine ka·dongani donga, aro party-ni gimik karyakarta-rang apsan ong·e kam ka·genchimode ge·bongana bateba seat-kon man·aigen, ine BJP dilgipa aro Pynthormukhrah-ni MLA AL Hek aganaha.
Indake ong·engon BJP, namgipa candidate-ko election-o susaatna sandianiko a·bachengataha aro ia changode chinga bang·en seat-ko man·a ka·dongenga, ma·mongo mikkangchiba BJP-san bilon donge sorkariko dilangkugen, apsan daken Meghalaya-oba chinga an·tangtangan sorkariko rikna man·aigen ine Hek aganangkuaha.
