TURA: Mijal Robibar salo, North Garo Hills a·jani Chima Impel songo Parish Day-ko maniangaha aro ia salko manianio Mendal Don Bosco-ni Father Charles, mongsonggipa sokgipa ong·e bakko ra·angaha.
Ia Parish Day-ko manianio Parish pamongrang, dingtangmancha pattianiko on·angenba ja·mano chatro chatrirangna aro bi·sarangna program-koba ong·atangjolaha.
Bi·sarangna aro chadamberangna program-ko ong·atanio dingtang dingtang skulni chatro chatrirang, chrok mesaanirangko aro gipin dakmesokanirangko dake bakko ra·na gita cholrangko man·tokaha.