NEW DELHI: Chief of Defence General Bipin Rawat-ni gachapanggipa Indian Airforce-ni bolsa helicopter MI V-5, Tamil Nadu-ni Nilgiri district-ogipa Coonoor-ni sepangogipa Katteri-o da·al kamchipaha. A·sel ong·ani chong·mot ja·pang obostako ma·sina gita sandianiko dakchina ge·etaniko on·aha. A·ba-chenggipa sandianio ma·-sina man·ani gitade, a·gipi military official-rangko bilbitanggipa adasu, duga-pile aram ba guuri ding-opani a·sel ong·aha ine ma·sina man·aha. Chu·-gimikgipa koborrangna sengengkua. Ua adasuo sak 14 man-derang donga-chim, jean Coimbator-ni sepanggipa Sulur air base-oni bil-chakatahachim aro Coonoor-chi bilangenga-chim. Indiba jensomoio on·chongna adita somoi-rangsan dongaiahachim, unon mikrontangchi nik-giparangni aganani gita bolo chagakaha wa·al kam·e kam·chipaha, bang·a manderangni janggi gimana nangaha.
