SHILLONG: Meghalaya A·doko mijal salni bako sak 16 manderang COVID sabisiko man·daptaiaha, jeon sak 18 gipinrang sabisioni nampilskaaha aro sigipade dongjaha.
Mijlani bako East Garo Hills-o sak 4, East Khasi Hills-o sak 8, West Garo Hills-o sak 3 aro West Khasi Hills-o sak 1 gimik sak 16 manderang COVID man·dapaha, jeon sak 18 COVID-oni nampilgiparangoni, East Khasi Hills-o sak 16, Ri-Bhoio sak 1 aro West Khasi Hills-o sak 1.
Meghalayao COVID sabisiko man·giparang gimikchide sak 84,680 gapangaha, uamangoni sak 82,990 manderang sabisioni nampilaha, sak 1,476 manderang sabisini a·sel uamangni janggirangko gimaataha, COVID man·giparang a·doko da·oba sak 214 dongkuenga.
East Garo Hills-o sak 10, East Jaintia Hills-o sak 4, East Khasi Hills-o sak 182, Ri-Bhoio sak 2, South Garo Hills-o sak 2, West Garo Hills-o sak 7, West Jaintia Hills-o sak 2, West Khasi Hills-o sak 6 gimik sak 214 dongengkua.
