SHILLONG: Salgro salaram a·dokrango Armed Forces (Special Powers) Act (AFSPA)-ko ra·gatani a·sel jolo songdongenggipa manderang, neng·nikanirangko chagrongna nangengani gimin ia niamko ra·galpilchina gita National People’s Party (NPP), ma·mong sorkariko bilakbate didina tik ka·angaha.
Iani bidingo Tura-ni Lok Sabha MP Agatha Sangma-ba Parliament-o ku·rang on·e, AFSPA-ko ra·galchina gita didiangaha ine janapatengon, a·bachengonin ia niamko ra·galpilchina gita NPP nangnikenga aro ia niamko ra·galpilchina gita bilakbate ma·mong sorkariko didianggen ine NPP-ni national general secretary aro Meghalaya a·dokni Health Minister James Sangma parakataha.
Adita salrangna skang, Nagaland a·doko sak 14 dos gri manderangko sipai dolrangni so·ote galani bidingo NPP dolni gita Sonibar salo, mombatirangko so·e kalimaniko dakangani somoio Sangma, ia kattarangko aganaha.
Nagaland a·dokni Mon a·jao ong·anggipa a·selara ong·nanggijagipa a·sel ong·aha ineba Sangma aganaha.
“Ia a·selara mande sakantikon de·mesaani gita ong·aha. Dos gri manderangni sianiko an·ching indin ong·gramaina on·jachina aro an·ching pilakan Nagaland a·dok baksa bakrimaniko on·na nanga. An·ching pilakan ku·mong nangrime ja·ku de·genchimosa AFSPA-ko ra·galatpilna man·gen,” ine NPP-ni dilgipa aganaha.
AFSPA-ko ra·gatanichi sipai dolrang skatang bilrangko jakkalna man·enga ine talatangengon, mikkangchi iandakgipa obostarangko chagrongangkuna nangjana gita AFSPA-ko ta·raken ra·galna nangchongmotenga ine Sangma parakataha.
Nagaland a·doko ong·anggipa a·selko jegalna aro sianggipa manderangna kalimaniko dakna gita Sonibar attamo NPP-ni tom·aniko ong·atanio NPP-ni MDC-rang aro NPP-na kam ka·enggipa manderangba bak ra·angahachim.
Re·anggipa December-ni 7 tarikosan NPP-ni MP Agatha Sangma-ba Lok Sabha-o AFSPA-ko ra·galchina gita dabiangahachim ine nikna man·a.
Apsan daken, NPP-ni national president aro Meghalaya a·dokni Chief Minister Conrad Sangma-ba adita salrangna skangsan, salgro salaram a·dokrangoniko AFSPA-ko ra·galpilchina gita ku·rangko on·angahachim.
Iani bidingo Tura-ni Lok Sabha MP Agatha Sangma-ba Parliament-o ku·rang on·e, AFSPA-ko ra·galchina gita didiangaha ine janapatengon, a·bachengonin ia niamko ra·galpilchina gita NPP nangnikenga aro ia niamko ra·galpilchina gita bilakbate ma·mong sorkariko didianggen ine NPP-ni national general secretary aro Meghalaya a·dokni Health Minister James Sangma parakataha.
Adita salrangna skang, Nagaland a·doko sak 14 dos gri manderangko sipai dolrangni so·ote galani bidingo NPP dolni gita Sonibar salo, mombatirangko so·e kalimaniko dakangani somoio Sangma, ia kattarangko aganaha.
Nagaland a·dokni Mon a·jao ong·anggipa a·selara ong·nanggijagipa a·sel ong·aha ineba Sangma aganaha.
“Ia a·selara mande sakantikon de·mesaani gita ong·aha. Dos gri manderangni sianiko an·ching indin ong·gramaina on·jachina aro an·ching pilakan Nagaland a·dok baksa bakrimaniko on·na nanga. An·ching pilakan ku·mong nangrime ja·ku de·genchimosa AFSPA-ko ra·galatpilna man·gen,” ine NPP-ni dilgipa aganaha.
AFSPA-ko ra·gatanichi sipai dolrang skatang bilrangko jakkalna man·enga ine talatangengon, mikkangchi iandakgipa obostarangko chagrongangkuna nangjana gita AFSPA-ko ta·raken ra·galna nangchongmotenga ine Sangma parakataha.
Nagaland a·doko ong·anggipa a·selko jegalna aro sianggipa manderangna kalimaniko dakna gita Sonibar attamo NPP-ni tom·aniko ong·atanio NPP-ni MDC-rang aro NPP-na kam ka·enggipa manderangba bak ra·angahachim.
Re·anggipa December-ni 7 tarikosan NPP-ni MP Agatha Sangma-ba Lok Sabha-o AFSPA-ko ra·galchina gita dabiangahachim ine nikna man·a.
Apsan daken, NPP-ni national president aro Meghalaya a·dokni Chief Minister Conrad Sangma-ba adita salrangna skangsan, salgro salaram a·dokrangoniko AFSPA-ko ra·galpilchina gita ku·rangko on·angahachim.