SHILLONG: India a·songoba COVID-19-ni ‘Omicron’ rokomko man·na a·bachengaha ine koborko man·soahani gimin Meghalaya a·dokoba gittamgipa changna COVID-19 giprorotaianiona tarisamsona gita a·bachengaha.
Health official-rangni u·iatani gitade, ia gital ‘Omicron’ rokom, ‘Delta’ rokomna bate ta·rake giproronaba gnang indiba iani nangchakeaniara Delta gitade ong·janaba gnang.
Meghalaya a·dokni bang·bata hospital-rango donggipa ICU ward aro palangrang da·o bangbang ong·tokengahani gimin gittamgipa changna COVID-19 giprorotaigenchimoba kenjagokna nangani dongjawa ineba Health official-rang aganaha.
Koborko on·ani gitade, re·anggipa December 11 tarikona kingkingan a·dok gimiko donggipa ge 1084 palangrangoni ge 1055 palangrangde bangbang ong·e dongengachim.
Meghalaya a·dok gimiko donggipa ge 142 ICU palangrangna ge 942 oxygen-rangba dongachim.
Indake ong·engon, batanggimin chang COVID giprorotaiani somoion a·dokna skidapani gita ong·aha ine a·dokni Health Minister James Sangma parakatenba, manderangko mikrake dongchina didiataha.
“Mikrake donganiko watgalgenchimode an·ching an·tangtangnan namjawa, uni gimin an·ching niamrangko ja·rikangkuna nanga,” ine Sangma aganaha.
 |
ReplyForward1
|
