TURA: Indo-Bangladesh sima ariogipa Kalaichar Border Out Post-ni ning·ogipa biapo ma·sina man·gijagipa denggu dakgipa manderangni
roramanirangko mija December 9 tariko BSF sipairang nikaha ine South West Garo Hills-ni Kalaichar-o donggipa A-Coy, 28 Bn BSF-ni Coy Commander Arun Kumar Singh badi ka·angaha. BSF sipairangni uamangko rikon, denggu dakgipa manderang, Indiani Bolonggre songchi aro Bangladesh-ni Makhnachar songchi katnapangtokaha.
Indake, ja·mano border fencing-ko pe·aniko aroba ge·sa LED light songdogipani gimaaniko BSF sipairang ma·sina man·aha ine BSF official aganaha.
