TURA: Garoland State Movement Committee (GSMC) Bajengdoba unit-ni gital chairman-ko seokna gita adita salrangna skang election-ko ong·atangaha aro ia election-ko ong·atanio Liwinbirth Marak, GSMC Bajengdoba unit-ni gital chairman-na seokako man·aha ine u·iataha.
GSMC Central Executive Committee-ko dilenggipa manderangni u·iatani gitade, GSMC Bajengdoba unit-ni gital chairman-ko seokna gita GSMC headquarter-ni dongimin niamrango pangchake adita salrangna skang, election-ko ong·atangaha aro ia election-o Liwinbirth Marak, GSMC Bajengdoba unit-ni gital chairman-na seokako man·aha.
GSMC-CEC-ni dilgiparang, Bajengdoba unit-ni gital chairman-na uni cheanina namgipa skanirangko parakatengon, mikkangchi Garoland a·dokna dabianio Bajengdoba unit-ko uni re·dilani chu·sokgipa ong·china ine GSMC-CEC-ni dilgipa parakataha.
