SHILLONG: Meghalaya a·doko COVID-19-ni Omicron rokomko man·giparang dongahaoba a·dokni bilsi 50 gapaniko donsogimin somoi gitan maniangaigen indiba a·dokni bilsi 50 gapaniko manina tarisogimin program-rangko sorkari mikkang antio nipilangtaigen ine Sukrobar salo, a·dokni Deputy Chief Minister Prestone Tynsong parakataha.
Deputy Chief Minister-ni parakatani gitade, ia manianiko sorkari dontongatpilna nangnikjaenga aro donsogimin somoi gitan ia manianiko ong·atangna nangnikenga.
“Meghalaya a·dokni bilsi 50 gapaniko a·dokni pilak biaprangon manina siengani gimin chinga dingtang dingtang biaprango manina gita donsogimin program-rangko nipiltaina tik ka·aha aro iani bidingo a·dokni Chief Secretary aro dingtang dingtang a·jani deputy commissioner-rangko mikkang antini gisepon program-rangko ra·bachina gita ge·etataha,” ine Tynsong parakataha.
Deputy Chief Minister-ni parakatani gitade, ia manianiko sorkari dontongatpiljagenchimoba program-rangko adita dingtangatnaba gnang aro manderangni tom·chimonganirangko komiatna nangnaba gnang.
“An·ching a·dokni bilsi 50 gapaniko an·ching manina nanga indiba an·ching niamrango pangchakesa maniskana nangenga. Iani bidingo chinga mikkang antion tom·e chanchirimgen aro program-rangko nipilanggen,” ine Tynsong aganaha.
Meghalaya a·dokni bilsi 50 gapaniko a·dokni pilak biaprangon re·baenggipa January-ni 21 tariko Meghalaya Day-ko manianio dal·bee manina gita manchisoahachim aro ia manianiona a·dokni Chief Minister Conrad Sangma, a·songni Prime Minister Narendra Modi-koba mongsonggipa sokgipa ong·e bakko ra·echina gita okamatahachim.
