SHILLONG: All India Trinamool Congress party ge·sanchi, re·anggipa bilsini West Bengal election-rango bilakgipa BJP-ko amchepnaba donga, indake ong·oba Meghalaya-o BJP-na kenani dongja indiba Congress-nasa donga.
“AITC chingnade kenani dongja, Congress aro gipin party-rangna dongnaba donga,” BJP Meghalaya President, Ernest Mawrie aganaha.
Tripura-o TMC, BJP baksa dakgrikaha, uamang man·srangjaha, uandake Meghalaya-oba TMC kratchaana nangaigen. A·songo Congress-ni ga·akanichi a·song gimiko BJP aro TMC bobil ong·grikeba bakrimaha.
Indake ong·engon, BJP a·songni party ge·sa ong·eba 2023 Assembly election-rangna Meghalaya-o da·o dipetede party darang politival party baksa election-na skang bakrimna miksongani dongja, Mawrie aganaha.
2013 aro 2018 Assembly election-rango namjagenchimoba party 2023 Assembly election-rango name dakgen aro poll-rangna party kam ka·chakatengaha, ka·donga gnang State BJP President, Ernest Mawrie aganaha.
“Chinga da·o ge 60 dolrangoni ge 36 dolrangko ong·ataha,” Covid-19-na neng·nikanirangko man·genchimoba party pilak gadangrangon party-ko bilakbatatna jotton ka·enga,” ua aganaha.
Meghalaya-o TMC-ni napanichi politics-ko bilakatna adita gisik nangani ong·aha maina West Bengal-o BJP ama cha·ani ja·mano 2023-o ong·nasienggipa Assembly election-rango TMC aiao inmanpilaniko dakna man·ode gipin political party-rangba apsankon dakna man·gen, ua aganaha.
