SHILLONG: Mother Teresa-ni a·bachengatgipa Missionaries of Charity (MoC)-na Foreign Contribution Regulation Act (FCRA)-ni registration-ko Home Affairs Ministry on·piltaiahani gimin a·doko All India Trinamool Congress (AITC)-ni dilgiparang, doltangni dilgiparangko mittelpilangaha.
Missionaries of Charity-ni FCRA registration-ko ma·mong sorkari on·pilna jechakahaoba antignimangni ja·man FCRA registration-ko Home Affairs Ministry, Missionaries of Charity-na on·piltaiahachim.
Indake ong·engon, iani bidingo AITC-ni dilgiparang, ma·mong sorkariko didiahani giminsa Missionaries of Charity-na FCRA registration-ko Home Affairs Ministry on·piltaiaha ine a·doko AITC-ni dilgiparang a·kangatskaaha.
AITC-ni dilgipa aro West Bengal a·dokni Chief Minister Mamata Banerjee, iani bidingo jegalatahani giminsa Missionaries of Charity-na Home Affairs Ministry, FCRA registration-ko on·piltaiaha ine AITC-ni MLA-rang, chong·motan Charles Pyngrope aro George Lyngdoh, social media-o parakataha.
“Uni iandakgipa dilanichi AITC, manderangni namgnina aro pilaknan kakket bichalko ra·bana gita kam ka·angkugen,” ine AITC MLA-rang parakataha.
Gipin a·songrangoni on·gilatenggipa tangka paisarangko ra·sona gita ia FCRA registration-ko a·songo nangchongmotachim ine nikna man·a.
Missionaries of Charity-ni FCRA registration da·o 2026 bilsini December 31 tarikona kingking choligipa ong·gnok.
