TURA: Bristibar salo, Shillong-oni Williamnagar-ona a·dokni Home Minister-ko dilbaenggipa gari bolsa, East Garo Hills a·jani Songsak ramao, bike bolsa baksa chatinggrike a·sel ong·aha aro ia a·sel ong·anichi bike-ko salgipa mande sina gita nangaha aro unbaksa gadoenggipa sakgipin mandeba bilongbee saknaanirangko man·aha.
Koborko on·ani gitade, ia a·sel ong·ani Bristibar sal 1:30 bajimango Kera minggipa songo ong·aha. A·sel ong·ani somoio a·dokni Home Minister Lahkmen Rymbui, Garo Hills gimikni SP-rangni tom·anio bakko ra·pana gita Williamnagar-ona Nongstoin rama gita re·baengachim.
Kera songona sokon, Williamnagar-chipakni Songsak-chipakna re·angskaenggipa bike bolsako, Home Minister baksa re·chapenggipa police-rangni gypsi gari bolsa su·gakeaha ine kobor on·timgiparang parakataha.
A·sel ong·anio bike-ko salenggipa mande siangna gita nangaha aro unbaksa gachapangenggipa sakgipin mandeba bilongbee saknaanirangko man·aha.
Kobor on·ani gitade, a·sel ong·anio sianggipa mandeara Dobu jolo donggipa Dimit Rongtatgittim-oni bilsi 45 ong·gipa Joakim Marak ong·achim.
Comments are closed.