SHILLONG: Meghalaya Legislative Research Fellowship Programme (MLRFP)-ni bak gita sak 12 research fellow-rangko MLA-rang baksa ong·na gita Assembly-o rimnapaha.
Ia sak 12 research fellow-rangna Assembly Secretariat-ni gita dingtangmancha induction program aro orientation program-ko ong·ataha.
Ia induction program-ko Mawdiangdiang-o donggipa MATI-o ong·atangaha aro ia program-o Assembly-ni Speaker aro Meghalaya Legislative Research Forum (MLRF)-ni patron Metbah Lyngdoh-ba dongpae bak ra·angaha aro research fellow-rangna certificate-rangko suale on·angaha.
Ia program-ni gimin talataniko on·angengon, MLA-rangni kamo aro mongsongbate Assembly session-rango dakchakaniko on·na gita ia program-ara namen nangchongmotgipa ong·a ine Assembly Speaker parakataha.
MLA-rang bang·batan kamtangtango jakchakgija ong·ani a·sel constituency-tangtangoba manderangni nangnikanirangko niatna man·rongjani gimin MLA-rangni kamo ia research fellow-rangan dakchakskana man·gen ineba Lyngdoh aganaha.