TURA: Adita salrangna skang, West Garo Hills Bus Association (WGHBA)-ni tom·aniko Dobasipara-o ong·atangenba, association-ni gital committee-ko songe donangaha ine u·iataha.
Tom·aniko association-ko dilgiparangoni saksa Ronald S Sangma dilangaha aro association-ni gitcham dilgiparang kamtangtangko watangahani gimin gital dilgiparangko seoke donangskaaha.
Ia tom·anio WGHBA-ko dilna gita seokako man·gipa manderangara, president-na Rabi T Sangma, secretary-na Tony M Marak, cashier-na Anil Das aro advisor-na Tapan Dey ong·a.
Ia tom·anio WGHBA-ni sak 7 executive membor-rangkoba seoke donangjolaha aro uamangara, Gurpreet Singh, Avter Singh, Bolin Koch, Roshan Ali, Sajid Hussain, Prasanta Roy aro Ganesh Roy ong·a.
Indake ong·engon, SBI Dobasipara branch-o WGHBA-ni account-ko association-ni secretary aro cashier nangrime chalaianggen ineba ia tom·anio jinma tik ka·e donangaha.
