Sunday, July 13, 2025
spot_img

A·doko lockdown-ko ra·gatna skang obostarangko nichenggen

Date:

Share post:

spot_imgspot_img

 

SHILLONG: Meghalaya a·doko lockdown-ko ra·gatna skangba sorkari, a·doko COVID-19-ni Omicron man·enggiparangni gimin name nichenggen ine Sukrobar salo, a·dokni Health Minister James PK Sangma parakataha.

Meghalaya a·doko Omicron man·giparang batrorobaengahani gimin COVID-19-na porikka ra·e nianikosan bariataigija a·doko manderangni re·ruraani aro kam ka·anirangkoba champengatchina gita Union Health Ministry-oni ge·etaniko on·angani ja·man, a·dokni Health Minister, ia kattarangko parakataha.

A·doko COVID-19 batrikriktaiengahani gimin a·dok sorkari lockdown-ko ra·gatgen ine sing·anina aganchakaniko on·angengon, obostarangko nichenge aro official-rang baksa agangrikchengesa sorkari nanga gita ja·kuko de·anggen ine Sangma parakataha.

“Ian pilakni apsan chanchirime ja·ku de·na nangani kamsa ong·engani gimin maming ja·kurangko de·na skangba chinga dingtang dingtang a·jani deputy commissioner-rang baksa chanchirimchengna nanggen,” ine Health Minister aganaha.

A·doko COVID-19-ko man·giparang batrorobataiengahani gimin mande sakantian mikrake dongna nangengaha ineba ua aganaha.

Obostarang namjabataona sokangjana gita Health department, nanga gitan kamrangko ka·soenga ineba Health Minister parakataha.

spot_imgspot_img

Related articles

Sorkari, kamtangko ka·na chu·sokjaode sakgipinna pakwatbo: VPP

SHILLONG: Voice of the People Party (VPP)-ni chief Ardent Miller Basaiawmoit, NPP-chi dilenggipa sorkariko kamtangko name dake ka·na...

Chokpot jolni neng·nikarangko namatna CSO, songni dilgiparang bakrima

SHILLONG: Ramani obostarang namjani bidingo, gipin jatrangko songrangona skatang napna on·engani bidingrango sorkariko nirokatchina gita Civil society organisation,...

Sitharaman, Meghalaya-ni $30 economy-ona sokna re·mikkanganio dakchakna agana

SHILLONG: Ma·mongni Finance Minister Nirmala Sitharaman, Meghalaya a·dokni Health sector-o namen tang·doaniko nike de·mittelaha. Mongsongbate Meghalaya-o Maternity Mortality...

Game ge·e cha·giparangko bilakdapatna IPDM training-ko ICAR-KVK ong·ata

TURA: ICAR - Krishi Vigyan Kendra (KVK), West Garo Hills, Dalu Block-ni Marapara songo NICRA project-ni ning·o method-ko...